Қарсыласын нокаутқа түсірген UFC файтері сүйіктісіне ұсыныс жасады (видео)

Жартылай ауыр салмақта жұдырықтасатын UFC файтері Александр Густафссон UFC Fight Night 109 турниріндегі жекпе-жегінен кейін сүйіктісіне ұсыныс жасады.

Рингте жасалған ұсынысқа қыз келісім берді. Стокгольмдегі UFC Fight Night 109 шоуының басты жекпе-жегінде Густафссон Гловер Тейшейраны жеңді. Швед кездесудің басынан-ақ басымдыққа ие болып, қарсыласын бірнеше рет нокдаунға түсірді. Ал бесінші раундта ол бразилиялықты нокаутқа түсірді. UFC файтері Густафссон осымен екінші рет жеңіп, титулға талас жекпе-жегіне үмітті. Қазіргі уақытта UFC бойынша осы салмақта чемпион — Дэниел Кормье. Ол 29 шілдеде Джон Джонспен жұдырықтасуы тиіс. Айта кетсек, осы аталған файтерлер Густафссонды ұпай айырмасымен жеңген еді.

https://youtu.be/ktVYnG8TGvU

tengrinews.kz