«АрселорМитталТеміртау» заңгерін өлтірген күдіктілер ұсталды

Қарағанды облысының полицейлері «АрселорМитталТеміртау» АҚ заңгерінің өліміне қатысты күдіктілерді ұстады. Бұл туралы Polisia.kz мәлім етті.

«Жүргізілген жедел-тергеу іс-шараларының нәтижесінде Шахтинск қаласының 53 жастағы тұрғынының өліміне қатысы бар деген күдікпен осы қаланың тұрғындары – 52 жастағы ер адам мен 44 жастағы әйел анықталып, ұсталды. Қылмыстық оқиға жәбірленушінің кәсіби қызметімен байланысты емес. Айғақ заттар тәркіленді. Қазіргі уақытта тиісті сараптамалар тағайындалды», — деп хабарлады Қарағанды облысы Полиция департаментінің бастығы Ерлан Файзуллин.

23 сәуір күні Шахтинск қаласында пәтердегі өртті сөндіру кезінде денесінде зорлық-зомбылық белгілері бар 53 жастағы пәтер иесінің мәйіті табылған болатын.
Аталған дерекке байланысты Қазақстан Республикасы Қылмыстық кодексінің 99-бабына («Адам өлтіру») сәйкес тергеу жүріп жатыр.

JQ-Aqparat