Қарағандыда екі автобус өртеніп кетті (видео)

Қарағанды облысында екі автобус өртенді. Өртті өңірдің ТЖД қызметкерлері сөндірді, өрттің неден шыққаны тексеріліп жатыр, — деп хабарлайды облыстық төтенше жағдайлар департаменті.

Tengrinews.kz хабаралағандай, бірінші төтенше жағдай Жезқазған маңында орналасқан Кеңгір ауылында болған. Тимирязев көшесінің бойында № 98 бағытында жүретін жолаушылар автобусы өртенген. Өртті өңірдің ТЖД қызметкерлері сөндірді. Өрт шалған аумақ — 8 шаршы метр. Зардап шеккендер жоқ.

Екінші өрт Қарағандыда Ленин көшесінің бойында таңғы 07.52-де болған. № 4 бағытында жүретін жолаушылар автобусы өртенген. Құтқарушылар дер кезінде оқиға орнына келіп жеткен.

«Өрт сөндірушілер 08.52-де өрттің тарауын тоқтатты, ал 08.05-те толығымен сөндірді. Жалын шарпыған аумақ 12 шаршы метр болды. Қаза болғандар мен зардап шеккендер жоқ», — деді ведомствоның баспасөз қызметіндегілер.

Қазіргі уақытта өрттің неден шыққаны тексеріліп жатыр.

https://www.instagram.com/p/BN-zXUmjjhF/?taken-by=ekaraganda.kz

https://www.instagram.com/p/BN-33P7AkSI/?taken-by=ekaraganda.kz