Қарағандыда 30 жастағы ер адам 16 жастағы қызды зорлап кеткен

Қарағандыда Алтын Арба базарының маңында орналасқан үйлердің бірінің кіреберісінде Шахтинск қаласының 16 жастағы тұрғыны зорланды.

Колледжердің бірінде оқитын қыз Интернетте өзінен біршама үлкен ер адаммен танысқан. Ол оған Қарағандыда кездесуді ұсынған. Қыз ата-анасына туыстарының үйіне барамын деп шыққан, ал өзі ер адаммен кездесуге аттанған. Олар Қарағандыда кафеде отырған, содан кейін отыз жастағы ер адам бір үйдің кіреберісіне алып кіріп, зорлаған. Есеңгіреп қалған қыз бірден полицияға хабар бермеген, ол өзінің Шахтинскідегі үйіне қайтқан. Тengrinews.kz хабарлағандай, сағат 19:00 шамасында қанның көп мөлшерде кетіп қалғанынан қыздың жағдайы нашарлап, Шахтинск ауруханасына жеткізілген. «Осы дерекке қатысты сотқа дейінгі тергеу шаралары ҚР Қылмыстық Кодексінің 120-бабы 3-бөлігі бойынша жүргізіліп жатыр. Қажетті сараптамалар тағайындалып, тергеу жүріп жатыр», — деп мәлімдеді Қарағанды облыстық ІІД-нің баспасөз қызметінің басшысы Бақытжан Құдияров.