Қарағанды облысында браконьерлер табиғат қорғаушылардың көлігін өртеп кетті (видео)

Алдымен белгісіз біреулер табиғат қорықшыларына қарсы оқ жаудырған.

Бұл туралы белгілі кәсіпкер Марғұлан Сейсембай әлеуметтік желідегі өз парақшасында былай деп жазды:

— Бүгін таңертең «Ақбөкен» қоғамдық табиғат қорығында инспекторлық қызмет бабымен жүрген қорықшылар мен браконьерлер арасында қақтығыс болды. Қаскөйлер бір экипажға қарудан оқ жаудырып, соңынан біздің көлікке қарай белгісіз зат лақтырды.Салдарынан көлік отқа оранды. Ешкім зардап шеккен жоқ. Көлік тұтастай жанып кетті. Өкінішке орай видео мен бейне тіркегіш өртеніп кетті. Браконьерлердің көлігінде мемлекеттік нөмір болған жоқ. Себебі браконьерлер нөмірмен дала кезіп жүрмейді. Белгілісі із суытқан көлік сұр түсті Лэнд Крузер. Қазір өз тарапымыздан тергеу жұмыстарын жүргізіп жатырмыз.Полицияға да шағым түсіреміз, депті Марғұлан Сейсембай.

Кәсіпкердің айтуынша, көлік қорықшыларға тиесілі. Ал оқиға Қарағанды облысының Ұлытау ауданында болған.

Caravan.kz