Аппеляциялық сот вайнерлерге үкім шығарды

Бүгін Алматы қалалық сотының судьясы Mudarabah Capital қаржылық пирамидасына қатысты іс бойынша Төребаев, Шерниязов және басқа да сотталғандардың апелляциялық шағымына қатысты шешім шығарды.

Сот вайнерлер Мейіржан Төребаев пен Мейірхан Шерниязов сонымен қатар қаржылық пирамидаға қатысы бар басқа да тұлғаларға шығарылған үкімді өзгеріссіз қалдырды.

Айта кетейік, 2022 жылы 12 желтоқсанда қаржы пирамидасын құрды деп айыпталған танымал вайнерлердің ісі сотқа жолданған. Қадағалау органының мәліметінше, қылмыстық істің негізінде 41 жылжымайтын мүлікке, 3 автокөлікке, 9 банк шотына және 16 компанияның жарғылық капиталындағы әртүрлі үлестерге тыйым салынған. Ал 2023 жылдың 23 маусымында сот шешімі шықты. Мейіржан Төребаев пен Мейірхан Шерниязов бес жылға бас бостандығынан айырылды.

JQ-Aqparat