Әмина Әжібаева: Балалар ойыншық емес, ақша табудың құралы емес

«Перзент» балалар үйінің директоры Әмина Әжібаева мемлекет жәрдемақысы үшін дүниеге сәби әкелуге байланысты өте маңызды тақырыпты көтерді.

«Балалар ойыншық емес, ақша табудың құралы емес. Бұл тек ата-ананың мойнына жүктелетін үлкен жауапкершілік. Балалы болу ешқашан мемлекеттік жәрдемақы алудың басты себебі болмауы керек. Ал көпшілігі бұл мәнді түсінбей, жалдамалы пәтерлерді аралап, балаларына қалыпты балалық шақпен қамтамасыз ете алмайды. Олар өмірді жақсартуға ешқандай күш жұмсамай, үкіметке реніш білдіріп, қолдаудың жоқтығына мемлекетті кінәлайды». -деп ренішін білдірді.

Әмина апаның айтуынша, жәрдемақы болмағанға дейін ата-аналар балаларын ешкімнің көмегінсіз өз бетінше тәрбиелеп, баққан. Өйткені мемлекет өз балаларымызды тәрбиелеудегі өз жауапкершілігімізді алмастыра алмайтынын түсінген.

JQ-Aqparat