Америкалық ұшқыштар қазақ әнінің каверін орындады (Видео)

10 желтоқсан 2023, 14:04

AFCENT тобы қазақстандық «МузАРТ» тобының «Балауса» әнін орындап, жұртты сүйсінтті. Шағын концерт елордада өткен. Музыкалық топ Қазақ ұлттық өнер университетінің студенттерімен кездескен. AFCENT тобы – АҚШ әуе күштері орталық қолбасшылығының оркестрі. Оркестр поп, R&B, рок, кантри және джаздан бастап әртүрлі музыканы орындайды. AFCENT тобы Орталық және Оңтүстік-Батыс Азияны аралауда. Жарияланған видео 2 күн ішінде 370 мың қаралым жинады. Басылған лүпіл мен жазылған пікір де аз емес. МузАРТ тобының әншісі Сәкен Майғазиев бейнежазба астында пікір қалдырған. Өзге қолданушылар да таңданысын жасырмай, мақтауын аямай жатыр.