Алыс-беріс экономиканы өркендетеді

Мемлекет басшысы Қасым-Жомарт Тоқаев Қытайдың Сиань қаласында өтіп жатқан самитте сөз сөйлеп, екі елдің экономикалық байланысы нығая түсетінін айтты.

«Ортақ мүддеге сай келетін ынтымақтастығымыздың маңызды бағыттарына тоқталғым келеді. Ең алдымен тауар айналымын арттыруымыз керек.

Соңғы жылдары Орталық Азия елдерінің экономикалық қарым-қатынасы жаңа деңгейге көтерілді. Былтыр Қазақстанның осы аймақтағы мемлекеттермен алыс-берісі 19 пайызға өсті. Яғни, 8 миллиард доллар болды. Алдағы уақытта бұл көрсеткішті 15 миллиардқа дейін жеткізуді көздеп отырмыз. Аймақтың Қытаймен сауда-саттығы да қарқынды дамып келеді. Былтыр бұл көрсеткіш 70 миллиард долларға жетті. Оның 45 пайызы Қазақстанға тиесілі. Қытай мен Орталық Азия арасындағы тауар айналымын 2030 жылға қарай 100 миллиард долларға жеткізуге барлық мүмкіндік бар», – деді Мемлекет басшысы.

JQ-Aqparat