Алып шұңқырдан 5000 текше метр топырақ пен тау жыныстары қазылып алынды (Видео)

Павлодар облысында «Майқайың-алтын» АҚ тау-кен аумағындағы опырылған жерде іздестіру жұмыстары бүгін үшінші күн жалғасып жатыр.
Аймақ басшысы Асайын Байханов оқиға орынан әлі ақпарат таратуда. Ол Instagram-дағы парақшасына бүгін де видео жариялады.
«Кеше жедел штаб мамандандырылған техниканы опырылған жерге түсіру үшін шамамен 120-130 метр тереңдікке траншея қазу туралы шешім қабылдады. Кеше опырылған жердің түбіне техниканы түсіру үшін өткел дайындау басталды. Бұл жұмыстарға 3 экскаватор, 2 тиегіш, 2 бульдозер жұмылдырылды. Жұмыстар тәулік бойы, үздіксіз жүргізілуде. 5 мың текше метрге жуық топырақ пен тау жыныстары қазылып, шығарылды», – дейді Павлодар облысының әкімі.
Дәл қазір іздеу жұмыстарына барлығы 134 адам, 37 бірлік техника, 3 кинологиялық жұп және 2 дрон тартылған.
Естеріңізге салсақ, «Майқайың-алтын» АҚ кенішінің аумағында жер опырылып, ондағы тереңдігі 150 метрлік шұңқырға автобус түсіп кеткен еді. Автобуста жүргізуші мен 3 құтқарушы болған. Екі құтқарушының денелері табылды. Ал ал бір құтқарушы мен жүргізуші әлі іздестіріліп жатыр.

 

Посмотреть эту публикацию в Instagram

 

Публикация от Байханов Асаин (@asaiyn.baikhan)