Қалыңмал төлеудің жаңа әдісі

Қазақстандық интернет-қолданушылар қалыңмалдың жаңа түрінің пайда болуына байланысты қызу талқылау жасауда.

Экспресс К  басылымы жазғандай, үйлену тойы кезінде жігіт жақтың қыздың тарапына қалыңмал төлеуі қалыпты үрдіске айналған. Дәл қазір бұл дәстүрден айналып өту мүмкін емес.   Әйтсе де шымкенттік ата-аналар бұл дәстүрдің өңін айналдырып, басқаша форматқа ауыстыруға тырысуда. Ол келесідей жүйе бойынша жүзеге асады: әуелі жаңадан отау құрғандардың ата-анасы ең жоғарғы бағамен банктен несие алады. Ақша әкесі мен шешесінде қалады да, несиені жастар жабуы тиіс.   Қазнеттің көптеген қолданушылары бұған қарағанда, бұрынғы қалыңмал төлеу үрдісі дұрыс еді деген пікірді көптеп білдіруде.