Алтынай Жорабаева: Алғаш рет босанған ана сияқтымын

Әнші Алтынай Жорабаева әлеуметтік желіде жұртшылықты қызықтырған сұрақтарына жауап беріп, өзінің қазіргі жағдайы жайлы бөлісті.

«Біраз сұрақтар келіпті. Неше түрлісі бар екен. Жалпы жүктілікке дейін де, жүктілік уақытында да дәрумендер қабылдап жүрдім. Алла қалауымен өзім босандым. Әрине, адамнан адам шығу оңай емес. Әсіресе толғақ қиын», — деді Жорабаева.

Бесінші сәбиін босанса да, алғаш рет ана атанып жатқандай сезімде болғаны жайлы айтып қалды.

«Көркемімді 13 жыл бұрын босанған едім. Аминамен алғаш рет босанған ана сияқты болып жүрмін. Бәрін басынан үйреніп жатырмын», — дейдә өнер иесі.

JQ-Aqparat