Алты түрме жабылады

ҚР Ішкі істер министрлігі Қылмыстық-атқару жүйесі комитеті төрағасының орынбасары Азамат Базылбековтың айтуынша, ағымдағы жылы республика бойынша xалықаралық талаптарға сай сай келмейтін 6 түзеу мекемесі жабылады.
«Расында, Қазақстандағы түзеу мекемелерінің басым бөлігі xалықаралық стандарттарға сай келмейді. Себебі олар бізге сонау ГУЛАГ заманынан мұраға қалған. Ол кезде олар негізінен Қарағанды облысында көп шоғырланды», — дейді А.Базылбеков Орталық коммуникациялар қызметінде өткен баспасөз мәслиxатында.

Оның сөзіне қарағанда, Үкімет пен министрлік түзеу мекемелеріндегі жағдайды жақсарту бойынша тиісті жұмыстарды атқарып келеді.

«Жөндеу және жаңғырту жұмыстары қолға алынды. Соңғы үш жылда төрт түзеу мекемесі толықтай жөнделді. Ағымдағы жылы тағы біреуі жөнделеді. Бұл түрмелердің барлығы xалықаралық нормаларға сай келеді және әрбір сотталушыны жеке-жеке орналастыруға мүмкіндік береді. Бұл сотталушылардың қауіпсіздігін қамтамасыз ететін ең бірінші шарт. Сонымен қатар мекемелерді қысқарту, оңтайландыру және оларды жабу бойынша шаралар қабылдануда. Екі жылдың ішінде біз екі мекемені жаптық және ағымдағы жылы тағы алтауын жабамыз», — деп атап өтті А. Базылбеков.

Baq.kz