«Қарғалы» жобасы бойынша, ұзындығы 7,7 шақырым өзен жағасында ыңғайлы демалыс аймағы құрылады. Мұнда 3 мыңға жуық ағаш пен бұта отырғызылып, гүл егіледі Көше жарығы тартылып, орындық пен қоқыс жәшігі орнатылады. Балалар мен спорт алаңдары, жаяу жүргіншілер жолдары мен велосипед жолдары бар жаңа қоғамдық кеңістік құру да жоспарланған. Балаларға арналған құмсалғыш пен су аймағын, ата-аналарға арналған үстел-орындығы бар демалыс аймағы құрылады.
Бұл жұмыс биыл қарашада бітеді. Жаңа жағалау қала орталығындағы бірегей табиғи саябаққа айналады.
Айта кетейік, қазір «Біздің қала – біздің тау, өзен мен көлдер» атты «Алматы – біздің ортақ үйіміз» науқанының үшінші аптасы өтіп жатыр. Бұл аптада жағалаулар мен су айдындары, саябақтар, скверлер мен тау бөктері тазартылады.
JQ-Aqparat