Алматыда жылу маусымы аяқталады

Алматы әкімдігінің хабарлауынша, 20 сәуірден бастап қалада жылу кезең-кезеңімен өшіріледі.
Мұндай шешім қалада 5 күн бойы ауаның орташа тәуліктік температурасы 8 градустан жоғары болған кезде қабылданады.
Әуелі өнеркәсіптік және әкімшілік нысандарда, содан кейін – тұрғын үйлер, мектептер, мектепке дейінгі балалар мен емдеу мекемелеріне жылу беру тоқтатылады.
Жылу кезеңмен өшіріледі:
1) әкімшілік ғимараттар, оқу орындары, театрлар, өзге де ғимараттар;
2) тұрғын үйлер (тұрғын ғимараттар, жатақханалар, қонақ үйлер);
3) әлеуметтік нысандар (балалар, емдеу, мектеп мекемелері, кәсіптік мектептер, медициналық-әлеуметтік мекемелер).

JQ-Aqparat