Алматыда ЖЭО-2 құрылысы биыл жазда басталады

«Биыл Алматы қаласында ЖЭО-2 жаңа газ станциясын жобалау және салу бойынша мердігер компания белгілі болады. Бұл туралы бүгін «Самұрық-Энерго» басшысы Серік Түйтебаев «Самұрық-Қазына» қоры қоғамдық кеңесінің отырысында айтты», – деп хабарлайды компанияның баспасөз қызметі.

Электр энергетикалық холдинг басшысының айтуынша, ашық халықаралық тендердің бірінші кезеңі барысында 6 өтінім келіп түсті. Оның ішінде екінші, қорытынды кезеңге 2 компания өткен.

«Тендердің жеңімпазы осы жылдың екінші тоқсанында анықталады. Құрылыс-монтаждау жұмыстарының басталуы 2023 жылдың тамызына болжанып отыр»,- деді С.Түйтебаев.
Бұған дейін Алматыдағы ЖЭО-2-ні газға ауыстыру үшін 324 млрд теңге жұмсалатыны туралы жазылған болатын. Алматының 2-ші жылу электр орталығын газға көшіру жұмыстары 2026 жылы толыққанды аяқталады.

JQ-Aqparat