Алматыдағы атыста жараланған полицей ауруханадан жазылып шықты

Алматыдағы атыста жараланған полицей ауруханадан жазылып шықты, деп хабарлады КТК телеарнасы.

«Кеудесіне оқ тиіп жараланған Ұлан Қабылов өзін он күннен бері көрмеген бала-шағасын құшақтап, мауқын басты. Аяқтан тұрып, жүре алғанымен, тәртіп сақшысы әлі де біраз ем қабылдауы тиіс. Дегенмен, бір ажалдан аман қалған Қабылов келесі айдан бастап қызметіне қайта кіріспек», деп хабарлады телеарна тілшісі.

-Әріптестерімнің жанұясына көңіл айтамын. Және де осы емханада ем қабылдап жатқан қызметкерлерге де аман-есен менің жолымды беріп, айығып, жанұясына оралсын деймін, — деді Алматы қалалық ІІД ЖПБ взвод командирі Ұлан Қабылов.

Айта кетеййік, Ұ.Қабылов бір апта ауыр хәлде жатты. Оқ оның кеудесіне тиген.
Нұрғали Әуелов, хирург:
-Түскен кезде жағдайы ауыр болды. Науқас шок жағдайында түсті. Жедел түрде операция жасалды, жарақаты тігіліп, қаны тоқтатылып, бәрі жақсы өтті. Тез көмектесуге тырыстық.

www.inform.kz