Алматыда ұрылардан құралған банда қолға түсті

Көліктерден бағалы заттар ұрлаумен айналысқан қылмыстық топ Алматыдағы әл-Фараби даңғылының бойында ұсталды.

Ұрылар 31 мамырда даңғылдың Қожанов көшесімен қиылысқан тұсында ұстау мүмкін болған. Ұстауға Медеу аудандық ІІБ қызметкерлерінен тұратын мобильдік топ қатысқан. Полицейлердің айтуынша, 1986-1987 жылғы үш ер адам бірнеше рет тонаумен айналысты деген күдікке ілінген. «Ұсталғандар ірі бизнес-орталықтарының автотұрақтарында күндізгі уақытта жүріп, көлік терезесін сындырып, бағалы заттарды алып кетіп жүрген. 31 мамырда мобильдік топ кеңсе ғимаратының маңында бақылау жүргізу барысында күдікті адамдарды байқап, оларды аңди бастады. Күдіктілердің көлігі әл-Фараби даңғылында тұсауға түсті. Ұсталғанлардың бірі Алматы ауданында мүлікке қатысты қылмыс жасағаны үшін іздеуде болған», — деп хабарлады ведомстводағылар. Куәгердің суреті Полициядағылардың айтуынша, қазіргі уақытта тергеу жүріп жатыр. «Ұсталғандардың басқа қылмыстарға қатысы бар-жоғы анықталу үстінде. Олардың Алматыда не істеп, немен айналысып жүргені анықталады», — деді ІІД өкілдері.

Tengrinews.kz