Алматыда кісі өлтіргендер жердің астына тығылған

Кісі өлтірген күдіктілер екі айға жуық уақыт өздері қазған жерге тығылып жүрген. Бұл туралы Рolisia.kz хабарлады.
Алматы полицейлері осы жылдың қазан айында танысын өлтіріп, қылмысты жасыру үшін денесін өртеп жіберген 22 және 33 жастағы екі ер адамды ұстады.
Арнайы жедел-тергеу тобы құрылды. Күдіктілер осы кезге дейін Алматы – Астана тас жолынан 2 шақырым жерде ор қазып, сол жерде жасырынып жүрген. Онда күдіктілер өздеріне арнайы баспана жасап, тамақтанатын орын жасап қойған. Олар өздерінің танысын өлтіргендерін мойындады. Күдіктілер қамауға алынды», – деді Алматы қалалық ПД криминалдық полиция басқармасының бастығы Қуатбек Науатов.
Қылмыстық кодекстің 201-бабына сәйкес, өзге ақпарат тергеу мүддесіне орай жария етілмейді.

JQ-Aqparat