Алматыда 5-6 қыркүйекте қайтадан карантин енгізіледі

Алматы қаласының бас санитарлық дәрігері Жандарбек Бекшиннің №59 қаулысы бойынша демалыс күндері қалада қатаң қарантин шаралары енгізіледі.

Құжатта Қазақстан Республикасының еңбек заңнамасына сәйкес демалыс және мереке күндері Алматыда келесі шектеу шараларын енгізу көзделген:

— азық-түлік супермаркеттері мен дәріханаларды қоспағанда, сауда үйлерінің, сауда орындарының, сауда және ойын-сауық орталықтарының жұмысын тоқтата тұру;

— азық-түлікке жатпайтын және жабық базарлардың жұмысын тоқтата тұру;

— сұлулық салондарының, шаштараз салондарының, курорттық орталықтардың, косметикалық қызмет көрсететін мекемелердің жұмысын тоқтата тұру;

— фитнес орталықтары мен спорттық-сауықтыру орталықтарының, бассейндердің, спорт залдарының, спорт кешендерінің жұмысын тоқтата тұру;

— сауналардың жұмысын тоқтата тұру;

— ашық аттракциондарды тоқтата тұру.

Бір күн бұрын Бекшин Алматыдағы карантиннің әлсірейтінін айтты және Алматыда кинотеатрлар ашудың шарттарын да жариялады.

Stan.kz