Алматы облысында жоғалып кеткен келіншек табылды!

Алматы облыстық полиция департаментінің басшысы Бауыржан Әленов 25 желтоқсанда ұшты-күйлі жоқ болып кеткен жас келіншектің табылғанын хабарлады.

Кеген ауылының тұрғыны Мөлдір Әбдіманапованың 25 желтоқсанда таңғы сағат 6-да үйінен шығып, хабарсыз кеткені туралы ақпаратты jasqazaq.kz сайтында кеше жарияланған еді.
Бауыржан Әленов өзінің Instagram парақшасында облыстық полиция қызметкерлері оның қайда жүргенін анықтап, келіншекті аман-есен туыстарына тапсырғанын жазды. Мұндай жағдай қайталанбас үшін әйелмен түсіндіру жұмыстары жүргізіліпті.

JQ-Aqparat