Алматы: лай көшкіні астында қалған үш адамның денесі табылды

08 ақпан 2024, 13:03

Лай көшкіні астында қалған үйден адамдарды алып шығу үшін барлық күш жұмылдырылды.

Алматы ТЖД өкілі Гүлдана Нұрымбетова құтқарушылар арасында Ауғанстан мен Түркиядағы жер сілкінуден кейін іздеу-құтқару жұмыстарына атсалысқандар тәжірибелі мамандар бар екенін жеткізді.

Оның айтуынша, көлемі 3 мың текше метр лай көшкіні үйді төңкеріп тастаған.
Дәл қазір үйінді астында қалған үш адамның денесі табылғаны хабарланды. Құтқарушылар оқиға орнынан 1984 жылы туған ер адам мен 1980 жылы туған әйелдің және 2007 жылы туған бозбаланың мәйітін тауып, шығарды.

JQ-Aqparat