Алматы: Қарызды төлесе, өсімпұлды алып тастайды

20 қараша 2023, 18:44

Алматыда жылу және ыстық сумен жабдықтау қызметіне қарызды айыппұлсыз төлегісі келетіндер үшін науқан жүріп жатыр.
«Алматы жылу желілері» хабарлағандай, науқан басталған бір ай ішінде жалпы берешегі 19 143 333 теңге болатын 171 борышкер өсімпұлды алып тастау мүмкіндігін пайдаланды. Акция аясында жалпы сомасы 9 154 707 теңгеге өсімпұл есептен шығарылды.
Бұл өсімпұлды үнемдеумен бірге, мүлікке, сонымен қатар борышкердің банктегі есеп шотына салынған шектеулер мен тыйымды алып тастауға мүмкіндік береді.
Ол үшін борышкер қарызды төлеп,
▫️«Алматы жылу желілері» ЖШС-на өтініш береді. Жеке куәліктің көшірмесі, төлем туралы кассалық чекті ▫️info@alts.kz поштасына жіберу немесе тұтынушыларға қызмет көрсету орталықтарының біріне жүгіну керек.
Берешек туралы ақпарат немесе кеңес алу үшін 341-07-77 телефон номеріне немесе WhatsApp нөміріне +7 (701) 027-11-20 хабарлама жіберуге болады.
Қарыз төленбеген жағдайда борышкерге жылу беру тоқтатылып, берешек сот арқылы өндіріліп алынады. Науқан мерзімі шектеулі – 29 желтоқсанда аяқталады.