Алматы әкімдігі 1 қыркүйекте оқушылар мектепке бармайды деген ақпаратты жоққа шығарды

Бүгін брифингте “Алматыда оқушылар 1 қыркүйекте мектепке бармайды” деген ақпарат жарияланып еді. Осыған орай, Алматы әкімдігі бұл ақпаратқа түзету енгізді.

Алматы әкімінің баспасөз қызметі:

«Білім күні 1 қыркүйекте 1-сынып оқушыларының қатысуымен «Мектебім – мейірім мекені» тақырыбында салтанатты іс-шара түрінде өткізіледі. 2 қыркүйекте бірінші сабақта 2-11 сынып оқушыларының қатысуымен «Менің Отаным – Қазақстан!» тақырыбында дәстүрлі сынып сағаты өтеді, одан кейін сабақтар кесте бойынша жалғасады», — деп мәлімдеді.

JQ-Aqparat