Ғ. Қалиев: Миллиондаған гектар жер олигархтың өз атында емес

Астана өтіп жатқан Жер реформасы жөніндегі комиссия отырысында аталған комиссияның мүшесі Ғани Қалиев еліміздегі миллиондаған жері бар олигархтың ешқайсысы жерлерін өз атына тіркемейтіндігін айтты.

«Біздің елімізде жүздеген, мыңдаған, тіпті, миллиондаған гектарға иелік ететін олигархтардың ешбірі де жерлерін өз атына ешқашан тіркемейді. Біз осыны ескермей болмайды. Ал енді оны қалай анықтаймыз. Менің ойымша, заңнамалық-құжаттарымызға бұл мәселені нақтылаудың бүге-шігесіне дейін нақтылап жазып көрсеткеніміз жөн. Сондай-ақ, оның бір шеті кімнің жері кімге тиесілі екендігін анықтап, нақтылауда жергілікті халықтан артық білетін ешкім жоқ, — деді Ғ. Қалиев.

Естеріңізге сала кетейік, комиссия мүшелерінің 75 мүшесін қосқан комиссия отырысында жерді шетелдіктерге жалға беру мәселесі қаралуда.