Әли Оқапов: Зейiн неге Оқапов? Неге Тасқын емес? Мәди неге Рымбаев?

11 мамыр 2023, 10:39

Әнші Әли Оқапов жанұясына қатысты қойылатын сұрақтарға жауап берді. Ол әлеуметтік желіде осыған қатысты пікірін білдірді.

«Зейiн неге Оқапов? Неге Тасқын емес? Мәди неге Рымбаев? …
Шынымды айтсам мен өз басым өмірімде үш рет фамилиямды өзгерткенмін. Себептер болды. Олармен бөлісу артық деп санаймын. Әр үйдің сыры бөлек дегендей, біздің де көпшіліктің алдында өз ақпараттық шекараларымыз бар. Ішкен жегенімізге дейін көрсетіп, жеке өміріміздің үтір нүктесіне дейн жария еткізіп, өмірімізден реалити шоу жасағымыз келмейді. Ондай деңгейдегі шоулар теледидарда толып тұр, көрермен жетеді. Ал біз өз шешімдерімізді бөтен пікірсіз ақ бекіте аламыз. Неге Оқапов? Неге Рымбаев? Солай шештік. Солай дұрыс деп санаймыз. Яғни себеп бар. Қалғаны маңызды емес. Түсінесіздер деп сенеміз. Ең бастысы бақыттымыз», -деді.