Әли Оқапов: Неге ертерек әке атанбадым екен

Ұлды болған Әли Оқапов отандық бағдарламаның бірінде тұңғышын алғаш қолына алған сәттегі сезімімен бөлісті.

«Әке болғанымды бірден сезіндім. Себебі, көп күттік. Екіншіден, жасым да жиырмада емес. Бүгінде менің үш кіндік балам бар. Сонымен қатар 9 жас айырмашылық бар Мәдиді де өсірдік. Зейін туылған кезде жанында болдым. Алғаш рет қолыма алған кезде «Неге ертерек әке атанбадым екен» деген ой келді», — деді Әли Оқапов.

Сонымен қатар Әли анасы Роза Қуанышқызынан ұлының есімін қою үшін рұқсат алғанын да жасырмай баяндап берді. «Зейіннің есімін өзім қойдым. Алғашында басқа есімді қоймақ болдық. Бірақ, ұлым дүниеге келуге екі түн қалғанда ойыма «Зейін» деген есім келді. Анама хабарласып, рұқсат сұрадым. Анам «қалай қойсаң, солай болады. Өзің шеш» деді. Зейін деген есім әрі қазақша, әрі сирек кездеседі. Оның үстіне айтуға де жеңіл, шетелге шықса да «Зеин» дей береді. Осының бәрі ескеріп, шешімге келдім. Өзімізге ұнайды, өзіне де жарасымды», – деді.

JQ-Aqparat