Алаяқтар 17 млрд теңгені қалтаға басқан

Елімізде түрлі мәселелерді шешкені үшін лауазымды тұлғаларға пара беруге итермелеу жағдайлары және алаяқтық жиілеп кетті.

Сыбайлас жемқорлыққа қарсы іс-қимыл агенттігінің баспасөз қызметінің мәліметінше, кейінгі үш жылда Сыбайлас жемқорлыққа қарсы қызметтің өндірісінде алаяқтық фактілері бойынша 600-ден астам қылмыстық іс болған. 313 адам сотталды.

Қазір Сыбайлас жемқорлыққа қарсы қызметтің өндірісінде алаяқтарға, делдалдарға және пара беруге итермелеушілерге қатысты бірқатар қылмыстық істер бар.
Хабарламада «Алаяқтарға берілген ақшалай қаражаттың жалпы сомасы 17 млрд теңгеден асады» делінген.

JQ-Aqparat