Активтер 100 млн доллардан асуы керек

Фото: wfin.kz

Әділет министрі Әділет Есқараев шетелге кеткен активтерді мемлекетке қайтару мәселесі қолға алынып жатыр. Министр орталық коммуникациялар қызметінде өтіп жатқан баспасөз мәслихатында заңсыз иемделген активтерді мемлекетке қайтару Президенттің айрықша бақылауында екенін атап өтті.
Заң қоғамдағы әлеуметтік сұранысқа жауап беруге арналғанын айта кеткен құзырлы мекеменің жетекшісі құжаттың ауқымды деңгейдегі жемқорлыққа қарсы бағытталып отырғанына тоқталды. Осы заң жобасы жауапты тұлғалардың үлкен активтерге қол жеткізіп, шетелге шығаруына тосқауыл қоятын нақты шешімдерді көздейді. А. Есқараев осыған орай, «Ол үшін активтердің мөлшері 100 млн доллардан асуы керек. Екіншінден, заңда жоғары лауазымды және қолында экономикалық ықпалы бар азаматтардың болуы керегі көрсетілген. Активтерді қайтару заң жобасында ерікті және мәжбүрлі түрде қарастырылған. Яғни өз еркімен келісімшарт жасасады немесе тәркілеу арқылы және қылмыстық қудалау арқылы жүзеге асырылады» деді.

JQ — Ақпарат