Ақтөбеде екі жігіт суға батып кетті

Ақтөбе қаласында кеше кешкі мезгілде 2003 және 2004 жылы туған екі жігіт суға батып кетті. Марқұмдардың мүрдесін сүңгуірлер 3 метр тереңдіктен тапқан. Ақтөбе облыстық төтенше жағдайлар департаментінің баспасөз қызметі хабарлағандай, Алматы ауданы, Ақжар-1 ауылының маңындағы көпірде екі адамның суға кетіп қалғаны туралы хабар түседі.
«19 және 20 жастағы азаматтардың денесін сүңгуірлер 3 метр тереңдіктен шығарды. Алдын ала ақпарат бойынша олар рұқсат етілмеген жерге суға шомылған. Құтқарушылар оқиға орнына жеткен кезде 3 бозбаланы ағыс алып кеткені белгілі болды. Біреуі өз күшімен жағаға шыққан. Алдын ала белгілі болғаны –16 жастағы жасөспірімдер жүзу білмеген. Сүңгуірлер сағат 16:30-да жағадан 100 метр, тереңдігі 3,5 метр болатын жерден жасөспірімдердің денесін шығарды», — деп хабарлады облыстық ТЖД баспасөз қызметі. 4 маусым күні де 39 жастағы ер адам Елек өзенінің рұқсат етілмеген тұсынан суға түсемін деп ажал құшты. Соңғы 10 күн ішінде Ақтөбе облысында 8 адам суға бату дерегі тіркелді.

JQ-Aqparat