Ақмола облысының прокуратурасы кәсіпкердің құқығын қорғады

Бұланды ауданы прокуратурасының Мобильді тобына ұйымның банктік шотын бұғаттау мәселесі бойынша ЖШС басшысы жүгінген.
Ақмола облысы прокуратурасының баспасөз қызметінің мәліметінше, тексеру жүргізу кезінде бақылау органы ЖШС-ні тағайындау, тексеру нәтижелері туралы актілермен, сондай-ақ шығарылған нұсқамамен таныстырмағаны анықталды.
Бұдан әрі тексеру материалдары банк шоты бойынша шығыс операцияларын тоқтата тұру жолымен 20-еселенген салықты мәжбүрлеп өндіріп алу шараларын қабылдау үшін мемлекеттік кіріс органдарына жіберілді.
Прокуратураның қадағалау актісі бойынша тексеру заңсыз деп танылды және күші жойылды, 700 мың теңгеден астам сомаға 20-еселенген салық бойынша ақшалай қаражат қайтарылды.

JQ-Aqparat