«Ақкент» тұрғындары өз пәтеріне 20 қыркүйекте оралады

Алматы әкімінің баспасөз қызметі хабарлағандай, Ерболат Досаев Ayt Housing Complex құрылыс компаниясымен өрт салдарын талқылап, «Ақкенттегі» өртенген пәтерлерді қалпына келтіру жөнінде тапсырма берді.
— «Ақкент» тұрғын үй кешенінде электрмен жабдықтауды 2 қыркүйекке дейін қалпына келтіру;
— компания есебінен подъездерде жөндеу жұмыстарын жүргізу;
— құтқару операциясы кезінде зақымдалған тересе-есіктерді ауыстыруға жұмсалған шығынды өтеу;
— пәтерлерде сылау/қабырғаны бояу құрылыс компаниясына жүктеледі;
— барлық жұмысты 20 қыркүйектен қалдырмай аяқтау керек.
Жөндеу жұмыстары кезінде тұрғындардың уақытша баспанаға жұмсаған шығыны өтеледі немесе ТЖ шаралары шеңберінде баспанамен қамтылады.
Сондай-ақ әкім қаладағы қоғамдық денсаулық сақтау басқармасына зардап шеккендерге қажетті медициналық жәрдем көрсетуді тапсырды.

JQ-Aqparat