Ақбота Керімбекова:Келіндерге айтарым, үлкеннің қас-қабағына қарау – міндетіміз

Әнші Ақбота Керімбекова келіндерге қатысты ойымен бөлісті. Өнер иесі өз келініне белгілі бір шектеу қоймайтынын айтты.
“Кез келген адам өзінің өмірде жіберген қателігін, сүрінген кездерін балалары көрмесе екен деп ойлайды. Мен балаларыма шектеу қойған емеспін. Келіндеріме де шектеу қоймаймын. Барынша өмір сүрсін. Бізге керегі тек көңіл. Бәр шәйін беріп, “жақсысыз ба, қалыңыз қалай?” деп жағдайымызды сұрап қойса болғаны”, – дейді Ақбота Керімбекова.
Сондай-ақ өнер иесі болашақ келіндерге, қыз-келіншектерге өзінің әпкелік ақыл-кеңесін айтты.
“Жалпы келіндерге айтарым, үлкеннің қас-қабағына қарау – міндетіміз. Үлде мен бүлдеге орамай-ақ қой. Жай ғана ашуыңды көрсетпей, үлкен кісілердің алдында қара нан мен шайыңды жадырап-жайнап берсең, ата-енеге керегі сол”, – деді әнші.

JQ-Aqparat