Қайрат Нұртасты туған күнімен боксшы Рой Джонс құттықтады (видео)

Танымал әнші Қайрат Нұртас өткен сенбі күні 28 жасқа толды. Ол туған күніне өнердегі әріптестерін шақырып, мерейтойын дүркіретіп атап өтті. Қазақ әншісін тек қана отандық өнер жұлдыздары ғана емес, әйгілі америкалық боксшы, әлем чемпионы Рой Джонс та арнайы құттықтап, оған жүрекжарды тілектерін арнады.
Туған күнге Қыдырәлі Болманов, Мейрамбек Беспаев бастаған қазақ өнерінің майталмандары келді.
Ал әншіні туған күнімен әлем чемпионы, аты аңызға айналған боксшы Рой Джонстың арнайы құттықтауы Қайраттың тыңдармандарын таң қалдырды.
«Қайрат Нұртас, сенің керемет әніңді естідім. Сенімен бірге бір күні ән айтамын деп үміттенемін. Сені туған күніңмен құттықтаймын», — деген ол әншіге өз тілектерін де жолдады.

Рой Джонстан құттықтау естіген Қайратқа тыңдармандары ақжарма тілектерін жаудырып, оған шығармашылық табыстар тіледі.

https://www.instagram.com/p/BQ-vwnAAxxG/?taken-by=kair_n