Қайрат Нұртас аса қымбат көлікті кімнің туған күніне сыйлады? (видео)

05 маусым 2017, 16:30

Қайрат Нұртас нарықта аса қымбат бағамен сатылатын Rolls-Roycе көлігін белгісіз жанға сыйға тартып, елді қызықтырып қойды. Желідегілер болса мұндай бағалы сыйды әнші Сивидің меценат әкесіне сыйлаған деп болжады. Бұл туралы nur.kz жазды.

Ол желідегі парақшасына белгісіз жанға тарту еткен көлігін көрсетті. Кімге сыйлағанын жазбаған әнші тек қана «Менен сыйлық» деп жазып қойған.

Алайда Қайрат бұл көлігімен Алматыдағы Сивидің әкесінің туған күні өтіп жатқан Royal Tulip мейрамханасының алдына келіп тоқтаған. Осыған қарап, желідегілер көлік Сивидің әкесіне тарту етілген деп болжады.

«Rolls-Roycе қой мынау», «Сивидің әкесіне сыйлап отыр ғой», «Керемет сыйлық», «Бай байға құяды», — деп жарыса жазды олар.

Айта кетейік, Rolls-Roycе көлігін елімізде 28-100 миллион теңге аралығындағы бағаға сатып алуға болады.