Айгүл Иманбаева: Әкем мен шешеме деген өкпе-наз мені Айгүл қылды

Әнші Айгүл Иманбаева отандық бағдарламада әкесі жайлы жұрт білмейтін сырымен бөлісті.
«Әкем мен шешем ажырасқанда мен 4-5 жаста едім. Мектепке бармаған кезім еді. Көп жағдайда ажырасқаннан кейін әкенің портреті де, жақсы көруің де, жек көруің де, қабылдауың да ары қарай анаңның айтқанына және өзіңнің балалық ой түюіңе байланысты болады. Әкенің портреті жақсы қалыптаспады.
Өйткені мен әкемнің қатты ішкенін көрдім. Ішіп келіп бізді іздейтінін көрдім. Анама қол көтергенін көріп өстім. Егер менде сондай балалық өкпе, наз, тағдыр Айгүл Иманбаева болмас едім. Әкем мен шешеме деген өкпе, наз мені Айгүл қылды. Мен тоқ бала боп өскенімде, мен бүгін Айгүл болмас едім. Ана мен әкенің аялы алақанында өскен Айгүл басқа болар еді. Сол себепті анма да, әкеме де алғыс айта білем. Менде әкенің портреті солай қалыптасты. Менде жалпы ер азаматтың портреті дұрыс қалыптаспады. Өйткені, анамның айтуы және өзімнің көруім бойынша әке портреті дұрыс қалыптаспады», — деп ағынан жарылды Айгүл Иманбаева.

JQ-Aqparat