Айдар Тұрғамбек: Тырнақ астынан кір іздеудің қажеті жоқ

Әнші Айдар Тұрғамбек өзін «қыз ұзатып жүр» деп сынағандарға жауап берді. Өнер иесі ұзату тойларда қызды шығарып салуға арналған арнау әнін орындап, көпшіліктің сынына қалды.
“Бұрын қыз ұзатылғанда ән салмаған. Сыңсу деген болған, оның өзін қалыңдық ағайын-жұртымен қоштасу ретінде қыздың өзі салған. Мысалы, «Әкеңдей камқор болар-ау деумен, Тапсырдым сені кұдама, қызым», «Аршыған жұмыртқадай аппақ көркің, Өзіңдей қарындасты қайдан табам…» деген сынды ескі әндердегі жолдардан-ақ қыз бала ұзатылғанда ер азаматтардың тілегін әнмен жеткізгенін аңғаруға болады. Сондықтан бұл бізге таңсық емес. Оның үстіне мен бар болғаны әкесі мен ағасының ақжарма тілегін жеткізу мақсатында ән айтып тұрамын, ал жеңгелері жетектеп шығарып салады. Бұл біздің дәстүрімізде бар дүние болғандықтан, тырнақ астынан кір іздеудің қажеті жоқ деп ойлаймын”, – дейді Айдар Тұрғамбек.

JQ-Aqparat