Аида Балаева: Қайырымдылық көмегін көрсету механизмдерін жетілдіру керек

Мәдениет және ақпарат министрі Аида Балаева қайырымдылық мақсатында қаржы жинау мәселесінде сақтық танытуға шақырды. Министр өзінің Facebook парақшасында:
«Волонтерлер қозғалысының белсендісі әрі қоғамдық қайырымдылық қорының құрылтайшысы Перизат Қайратқа қатысты шулы тергеу қайырымдылық көмегін көрсету механизмдерін жетілдірудің қажеттілігін тағы да еске салып отыр.
Қазіргі кезде Қазақстанда волонтерлік пен қайырымдылық белсенді түрде дамып келеді. Алайда бұл сонымен қатар алаяқтықпен мен пайдакүнемдік әрекеттерге де қолайлы жағдай туғызады.
Сондықтан барлық қазақстандықтарды қайырымдылық көмек операторларын мұқият зерттеуге және тек тексерілген әрі сенімді серіктестермен ғана жұмыс істеуге шақырамын», — деп жазды.
JQ-Aqparat

Сурет: bizmedia.kz