Ағаш кесемін деп тоқ соқты

Павлодар облысында ағаш кесіп жатқан үш адамды тоқ соққан, екеуінің жағдайы ауыр. Рavlodarnews.kz. жазуынша оқыс оқиға Усолка шағын ауданында болған.

Облыстық ТЖД баспасөз қызметінің мәліметінше, «Вектор» аялдамасы жанында ағаштарды кесу жұмыстары кезінде ішінде адамдар болған манипулятордың көтергіші құлаған.

– Ағаштарды кесу жұмыстарын жүргізу кезінде манипулятордың көтергіші электр желілеріне тиген. Салдарынан үш адам электр тогынан жарақат алып, ауруханаға жатқызылды, – деді департаменттің баспасөз қызметі.

Олардың екеуі 2002 жылы және біреуі 2000 жылы туған.

112 пультіне қоңырау сағат 09.28-де түскен. Оқиға орнында төрт құтқарушы, апаттар медицинасы орталығынан төрт қызметкер, 102 және 103 қызмет қызметкерлері жұмыс істеді.

JQ-Aqparat