Адал жүргізушінің әрекеті желі қолданушыларын тәнті етті

Шымкент тұрғыны көлігінің бамперін сырып кеткен жүргізушінің әрекетіне тәнті болды. Айыпты ақша мен хат қалдырған.

Бұл туралы Instagram желісіндегі shymkent.city парақшасында хабарланды деп жазды tengrinews.kz. «Кешіріңіз, өтінемін. Сіздің бамперіңізді сырып кеттім, байқамай қалыппын. Бұл ақша аз болса, хабарласыңыз», — деп жазған жүргізуші 2 мың теңге қыстырып кеткен.

Көлік иесі бамперінің болмашы ғана сырылғанын хабарлады. «Саналы азамат екен, рақмет. Ал сзідер адамдар зұлым дейсіздер. Осындай адал ісі үшін телефон да соқпадым. Жолдарыңыз болсын», — деп жазды ер адам. Осы жазбаға көптеген қолданушы ер адамның ісіне тәнті болғанын жазып жатыр.