Абай облысындағы өрт: тағы бір адам хабарсыз кетті

Абай облысындағы орман өтін сөндіруге кетіп, із-түзсіз жоғалған тағы бір адам іздестіріліп жатыр. Бұл ақпаратты облыстық Полиция департаменті нақтылады. «Егер сізде С.Н.Архиповтың орналасқан жеріне қатысты қандай да бір ақпарат болса, онда «102» нөміріне немесе жақын маңдағы полиция бөлімшесіне хабарласуыңызды өтінеміз», — деп жазды Абай облыстық Полиция департаментінің баспасөз қызметі. Департамент мәліметінше, тұрғынды іздеу іс-шараларына ведомствоның жеке құрамы жұмылдырылған. Сонымен қатар оның тракторын табу үшін әуеден де шолу жүргізіліп жатыр. Бұған дейін әлеуметтік желіде Сергей Архипов облыс аумағындағы өртті сөндіруге көмектесу үшін тракторымен шығып кеткені жарияланған еді. Ол соңғы рет 9 маусым күні хабарға шығып, содан бері із-түзсіз жоғалған.

JQ-Aqparat