Абай даңғылын ұзарту үшін саяжайлар сүріледі

11 мамыр 2023, 14:57

Бүгін Алматы қаласының әкімі Ерболат Досаев Наурызбай ауданының тұрғындарымен кездесуде Абай даңғылын ұзарту үшін бірнеше саяжай сүрілетінін айтты.
63 жер телімінің 53-і мемлекет меншігіне өткен, қалған 10 жер телімінің екеуі мұрагерлік құқыққа байланысты түзету жұмыстары жүргізіліп жатыр, төрт жоба сотта қаралып жатыр. Бұл мәселе осы айдың соңына дейін шешілуі тиіс.

«Бағалау ескірген, біз оны жаңартуға мәжбүрміз, өйткені төлем жасау кезінде жаңа бағалау қажет. Сатып алу жөнінде сұрақтар жиналып қалды. Мен жер қатынастары басқармасына мамыр айының соңына дейін оны реттеуді тапсырдым. Біз бұл жұмысты былтыр жасауымыз керек еді, ақша болды. Келісім-шарт жасасып, сатып алғаннан кейін жұмысқа кірісеміз», – деді қала әкімі. Абай даңғылын қала шекарасына дейін ұзарту жұмыстарын осы жылдың соңына дейін аяқтау жоспарланып отыр.

JQ-Aqparat