Ақтауда қорланған алты жасар қыз ауыр халде жатыр

Ақтауда зорланған алты жасар бала облыстық емхананың жансақтау бөлімінде ауыр халде жатыр. Бұл туралы «Ладаға» сілтеме жасап NUR.KZ порталы хабарлайды.

Қыз бала жансақтау бөлімінде жатқанын бас дәрігер Кәмшат Тұрсынбекова мәлімдеді. Оның айтуынша, бүлдіршінге ыстық өткен және аяусыз зорлыққа ұшыраған.

«Бүгінде қыз баланың жағдайы бірқалыпты ауыр. Ол жансақтау бөлімінде. Ауыр халде көптеген жарақаттармен келіп түсті. Барлық қажетті сараптамаларды жасадық. Бүлдіршін аяусыз зорланған», — дейді Кәмшат Тұрсынбекова.

Бас дәрігердің айтуынша, қыз балаға барлық көмек көрсетілуде.

«Балақай әлі есін жинаған жоқ. Оның есін әлі жинамағаны дұрыс. Бұл миын сақтап қалу үшін керек. Себебі ол зорлыққа душар болды және ұзақ уақыт күннің астында қалды. Өзге де жарақаттары баршылық. Барлық қажетті медициналық көмекті бала қабылдап жатыр», — дейді Тұрсынбекова.

Еске салсақ, қыз бала 20 тамыз күні күндізгі уақытта жоғалып кетіп, оны бәрі жанұшыра іздеген болатын. 17:30-да балақайды зорланған күйде тапқан.

Маңғыстау облысының ІІД-і Қылмыстық іс қозғалғанын мәлімдеді.