Ақтөбеде жоғалып кеткен 9 жасар бала өлі күйінде табылды

19 сәуiр 2017, 10:34

Ақтөбеде өткен аптада жоғалып кеткен 9 жасар Біржан Ерсайыновты көпшілік жабылып іздеген еді. Құтқарушылар мен полицияға баланың туыстары мен еріктілер де қосылды. Ал оқушының денесі жоғалып кеткен жерінен 800 метр қашықтықтан табылған.

Бұрын хабарлағанымыздай, Жаңа орта мектептің 4-ші сынып оқушысы Біржан Ерсайынов 13 сәуірде үйінен ойнауға шығып кеткеннен кейін оралмаған еді. Оны көршілердің балалары соңғы рет Жіңішке өзеніне қарай жүгіріп кетіп бара жатқан жерінен көрген. Жеткіншек содан бері табылмай жатқан болатын.

caravan.kz хабарлағандай, құтқарушылардың айтуынша, бала су бетіндегі мұзға секіріпті. Күн жылылау болғандықтан, мұз бөлініп қалып, оны ағысқа қарай әкетіп қалған.