Ақтөбеде мешіт қызметкерлері жалақы талап етуде

27 қыркүйек 2016, 4:40

228618

Ақтөбе қаласының мешіт қызметкерлері мешіт басқарушысының оларға қарата бейәдеп сөздер айтқанын, жұмыстан кетіретінін айтып қорқытқанын мәлімдей отыра жалақы төлеуін талап етті. Бұл туралы облыстық соттың баспасөз қызметі хабарлайды.

«Нұр-Ғасыр» мешітінің қызметкерлері тарапынан түскен жалақы мен моральді өтемақы жөніндегі шағым қалалық сотта қарастырылуда.

Шағымда қызметкерлердің жалақы ала алмайтындары айтылған.

«Жетекшілік етуші Балкенов жалақы төлеу туралы талапқа ашулықпен жауап беріп, қызметкерлерді жұмыстан кетірем деп қорқытқан», – делінген хабарламада.

e-islam.kz порталының мәліметінше, «Нұр-ғасыр» мешіті 3 жарым мың адамға лайықтап салынған. Мешіт ғимаратында асхана мен 25 шәкірт оқуға арналған медресе бар.

stan.kz