Ақтөбеде бөлім басшысы сотталушыны изоляторда ұрып, азаптап тастады

Ақтөбелік прокурорлар колониядағы қылмыстың бетін ашты. Оқшаулау орнындағы бақылау қызметінің бөлім басшысы сотталушыға қысым көрсеткен. Қамауда отырған адамның қолына кісен салып, күш көрсеткен басшылардың өзі қылмыстық жауапқа тартылып жатыр деп хабарлайды өңірдегі NUR.KZ тілшісі. Аталған қылмыс прокуратураға жазылған шағым кезінде анықталған.

«2017 жылдың наурыз айында Ақтөбе облысының прокуратурасына КА-168/3 мекемесінде жазасын өтеуші шағымданды. Тексеру барысында Ақтөбе облысы бойынша ҚАЖ Департаментінің УКА-168/3 бақылау қызметі бөлімінің бастығы міндетін атқарушы мекеменің жедел уәкілімен және аға бақылаушымен бірге сотталған Н. –ды тәртіптік изоляторға заңсыз орналастырған. Сотталушыға кісен қолдану арқылы, күш көрсеткен», — деп мәлімдеді Ақтөбе облысы прокуратурасының баспасөз қызметі.

Прокурорлар абақты қызметкерлерінің сотталушыларға қысым көрсеткенін анықтаған. Колониядағы бөлім басшыларының біреуі ғана өз кінәсін мойындап отыр.