«Ақтөбе» футбол клубының директоры ұсталды

«Ақтөбе» футбол клубының директоры ұсталды, — деп хабарлайды Сыбайлас жемқорлыққа қарсы іс-қимыл ұлттық бюросы.

Сыбайлас жемқорлыққа қарсы іс-қимыл ұлттық бюросы «Ақтөбе» облыстық футбол клубы» АҚ басшысының бюджет қаражатын жымқырған деректерін анықтады.

«Тергеуден АҚ-ның бас директоры Васильевтің сыйақыларды заңсыз төлеу жолымен бюджеттен 300 миллион теңге сомасында қаражат жымқырғаны анықталды. Васильев сыйақыны жеке өзі шешкен», — деп хабарлады Антикоррупциялық қызметтің өкілдері.

«Оның ішінде футболдан Қазақстан чемпионатының бірінші кезеңі аяқталғанша үздік алтылыққа енуге «Ақтөбе» ФК футболшылары мен бапкерлеріне 69 миллион теңге көлемінде заңсыз сыйақы беру дерегі анықталды. Көрсетілген соманың 15 миллион теңгесін Васильев өзі алған», — делінген Ұлттық бюроның хабарламасында.

8 қарашада Антикоррупциялық қызмет Васильевті ҚР Қылмыстық процесстік-кодексінің 128-бабының негізінде қстап, Ақтөбе облысы бойынша ІІД-нің уақытша ұстау изоляторына қамалды.

tengrinews.kz