А.Əшімов: Мәдениеті өскен елдің көші де алға жылжиды

А. Әшімов: Президент мақаласындағы бастамаларды қолдау, оны өз саламызда орындау әрқайсысымыздың міндетіміз
Елбасының саяси, әлеуметтік, экономикалық мәселелер жөніндегі Жолдауларын қолдап, сол бағыт-бағдар бойынша жұмыс істеп келеміз.
Ал, «Болашаққа бағдар: рухани жаңғыру» атты мақаласының жөні тым бөлек деуге болады. Өйткені ұлттың рухани жайы, мәдениеті мен ел болып қалыптасуының жолдарына басымдылық берілген. Мәдениеті өскен елдің көші де алға жылжиды.
Ұлт мәдениетінің аңызы, кино және театр майталманы, КСРО және Қазақстанның Халық әртісі Асанәлі Әшімов осындай пікір білдірді.
«30 дамыған елдің қатарына қосыламыз деген талпынысымыз бар. Қала мен дала арасын жақындату, Президент мақаласындағы бастамаларды қолдау, оны өз саламызда орындау әрқайсысымыздың міндетіміз. Сондықтан да рухани жаңғыру дер кезінде көтерілген мәселе деп ойлаймын»,- дейді Асанәлі Әшімов.
Сонымен қатар, КСРО және Қазақстанның Халық әртісі латын әліпбиіне көшу мәселесін қолдайтынын білдірді. Өйткені күн сайын дамып жатқан ғылым, технология мен коммуникацияны, инновацияның тілін меңгеруде латын әліпбиінің рөлі айрықша.