Өрттен көз жұмған бүлдіршіндер жер қойнауына тапсырылды

Астанада өз үйлерінде өрттен көз жұмған бес қыздың денесі жер қойнауына тапсырылды. Бүлдіршіндерді ақтық сапарға шығарып салуға туыстары, достары мен көршілері,одан бөлек көптеген қала тұрғындары қатысты деп хабарлайды NUR.KZ.

Бүгін Астанада қалың қар жауып, Шыңғыстау көшесінде өрттен күлі ғана қалған үйдің ізін де басып қалды.

Ал көрші үйдің ауласында туыстары бір түнде ажал құшқан бес қызбен қоштасып жатыр.

Өрттен о дүниеге аттанған бүлдіршіндер мұсылман дәтсүрімен жер қойнауына тапсырылған.

Ал жаназаға келген жұрт қарасының көптігінен көшелерде де көлік кептелісі орын алды.