Бейне бақылау камерасын ұрлаған адам ұсталды (видео)

12 қантар 2019, 13:10

Алматыда бейне бақылау камерасын ұрлаған жігіт видеоға түсіп қалды. Жас жігіт ұрлыққа Алматы қаласы Медеу ауданы Тайманов көшесіндегі үйлердің біріне түскен.

Үй иесі ұрлық жайлы үш күннен кейін полицияға арызданған.

«Қылмыс жайлы кеш хабарланғанына қарамастан, біз оны аз уақытта қолға түсірдік. Ол бұрын бұзақылық жасағаны үшін қылмыстық жауапқа тартылған. Жедел іздеу шарасының арқасында ұрланған зат табылып, иесіне қайтарылды. Қазақстан Республикасының Қылмыстық кодексінің 188-бабы бойынша тергеліп, сотқа жіберілетін болады» — деді Медеу аудандық полиция бөлімінің бастығының бірінші орынбасары, майор Дәулет Сәмбетов.

https://youtu.be/ey0ItCuCQAY

Дереккөз: zakon.kz